ភ្នំេពញ៖ ប្តីប្រពន្ធមួយគូរ បាននាំគ្នាទៅយកកូនស្រីរបស់ខ្លួន ដែលត្រូវបានប្តីដើមយកមកលេងជាច្រេីនថ្ងៃ តែមិនបានឃេីញយកត្រឡាប់ទៅវិញ ដោយបាត់គ្មានដំណឹង។ ខណៈពេលទៅដល់ ស្រាប់តែត្រូវប្តីដេីមដកកាំភ្លេីងភ្ជង់ក្បាលគំរាមបាញ់សម្លាប់ប្តីចុង ហេតុការណ៍នេះបានកេីតឡេីងកាលពីវេលាម៉ោង ១១និង៤០នាទីព្រឹកថ្ងៃទី២៤ ខែមិថុនា ឆ្នាំ២០២១ ដែលស្ថិតនៅចំណុចភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ស្ត្រីដែលជាប្រពន្ធមានឈ្មោះ គួង រ៉ាទី ភេទស្រី អាយុ ៣០ឆ្នាំ មុខរបរ លក់ឥវ៉ាន់។ ចំណែកឯប្តីចុងមានឈ្មោះ ចន ម៉េងហ៊ាវ អាយុ ២៨ឆ្នាំ មុខរបរ លក់ឥវ៉ាន់ ស្នាក់នៅផ្លូវវេងស្រេង សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ ចំណែកឯបុរសជាប្តីដេីមឈ្មោះ គង់ សារ៉ុន អាយុប្រហែលជា ៣០ឆ្នាំជាង មុខរបរ មន្ត្រីយោធា ស្នាក់នៅក្នុងភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
យោងតាមប្រភពព័ត៌មានពីប្តីចុងរបស់ស្ត្រីខាងលេី បានប្រាប់ឲ្យដឹងថា មុនពេលកេីតហេតុ ពួកគាត់បានធ្វេីដំណេីរចេញពីផ្ទះ ដេីម្បីមកយកកូនស្រីដែលកំពុងរស់នៅជាមួយនឹងអតីតប្តី ដោយបានសុំយកកូនស្រីមកលេងផ្ទះរបស់ខ្លួន ដោយរយៈពេលជាច្រេីនថ្ងៃមកហេីយ មិនបានឃេីញត្រឡាប់ទៅវិញ។ លុះមកដល់ថ្ងៃទី២៤ ខែមិថុនា ឆ្នាំ២០២១នេះ រូបខ្លួននឹងប្រពន្ធបាននាំគ្នាមកយកកូនស្រីដេីម្បីត្រឡាប់ទៅផ្ទះវិញ។ ខណៈពេលទៅដល់ ក៏បានជួបជាមួយនឹងប្រពន្ធរបស់អតីតប្តី រួចក៏បាននិយាយប្រាប់ថា ខ្លួនមកសុំយកកូនស្រីរបស់ខ្លួនត្រឡាប់ទៅផ្ទះវិញ ភ្លាមៗនោះ ប្រពន្ធអតីតប្តីក៏បានប្រាប់ថា ចាំខ្លួនទៅនិយាយជាមួយប្តីសិន។ ក្រោយមក អតីតប្តី ក៏បានហៅអតីតប្រពន្ធឲ្យចូលមកខាងក្នុងផ្ទះ ស្រាប់តែពេលនោះ ប្រពន្ធរបស់អតីតប្តីបានបិទទ្វាររបងចាក់សោរ រួចអតីតប្តីក៏បានទាញកាំភ្លេីងមកភ្ជង់ក្បាលប្តីចុងរបស់ខ្លួន ដោយបានគំរាមសម្លាប់ចោលតែម្តង។
ក្រោយពីបានលឺសំដីនេះរួចមក ពួកខ្លួនក៏បាននាំគ្នារត់ចេញពីក្នុងផ្ទះ និងបានរាយការណ៍ទៅកាន់អាជ្ញាធរមូលដ្ឋាន ដេីម្បីឲ្យចុះមកដល់ទីតាំងកេីតហេតុអន្តរាគមន៍។ ពេលទទួលបានដំណឹងនេះភ្លាមៗ កម្លាំងសមត្ថកិច្ចប៉ុស្តិ៍ឫស្សីកែវ បានចុះទៅដល់ទីតាំងដើម្បីធ្វើការសម្របសម្រួល។
យោងតាម លោកវរសេនីយ៍ត្រី តុង គឹមសុង នាយប៉ុស្តិ៍នគរបាលរដ្ឋបាលឬស្សីកែវ បានអោយដឹងថា បច្ចុប្បន្នមេធាវីរបស់ភាគីទាំងសងខាងកំពុងចរចារឿងនេះ៕
0 Comments