ភ្នំពេញ៖នៅព្រឹកថ្ងៃពុធ ទី២៤ ខែកុម្ភៈ ឆ្នាំ២០២១ គណ:កម្មាការផ្សារដើមគ បានចុះផ្សព្វផ្សាយ វិធានការការពារជម្ងឺកូវីដ១៩របស់ក្រសួងសុខាភិបាល និងបាននាំយកម៉ាសអំណោយរបស់សម្តចតេជោ ហ៊ុន សែន តាមរយៈរដ្ឋបាលរាជធានីភ្នំពេញ រួមជាមួយជែលលាងដៃរបស់ក្រុមហ៊ុន ម៉ារី រៀលធី រៀលអុីស្តែត ចែកជូនដល់បងប្អូនអាជីវករ និងប្រជាពលរដ្ឋជុំវិញបរិវេណផ្សារដេីមគ
ជាមួយគ្នានោះដែរ លោក គៀង ចក់ ប្រធានគណៈកម្មការគ្រប់គ្រងផ្សារដេីមគរ សូមអំពាវនាវបងប្អូនប្រជាពលរដ្ឋមេត្តាចូលរួមពាក់ម៉ាស បាញ់ទឹកអាល់កុល ឬជែលលាងសម្អាតដៃជាប្រចាំ និងរក្សាគម្លាតពីគ្នា តាមការណែនាំរបស់ក្រសួងសុខាភិបាល។ ដូចនេះយើងត្រូវចូលរួមប្រយុទ្ឋប្រឆាំងមេរោគកូវីដ១៩តាមការណែនាំរបស់ក្រសួងសុខាភិបាល ។
នាឱកាសនោះដែរ លោក គៀង ចក់ ប្រធានគណៈកម្មការផ្សារដេីមគរ ក្នុងនាមអាជីវករ ក៏ដូចអតិថិជន ចេញចូលផ្សារដេីមគរ សូមថ្លែងអំណរអរគុណសម្តេចតេជោ ហ៊ុន សែន និងអភិបាលរាជធានីភ្នំពេញ ក៏ដូចលោកអភិបាលខណ្ឌទួលគោក ដែលលោកបានយកចិត្តទុកដាក់ គិតគូរពីសុខមាលភាពរបស់បងប្អូនប្រជាពលរដ្ឋប្រជាពលរដ្ឋ អាជីវករផ្សារ ក្នុងការចុះផ្ទាល់ យកម៉ាសសម្តេចតេជោ ចែកជូនដល់បងប្អូនអាជីវករ ក៏ដូចប្រជាពលរដ្ឋ នៅផ្សារដេីមគ ដើម្បីបង្កាត់ទប់ស្កាត់ការរីករាលដាល នូវជំងឺកូវីដ១៩ ដែលកំពុងបានឆ្លងចូលសហគមន៍យើងនាពេលនេះ ៕
សូមជម្រាបជូនថា លោកអភិបាលរាជធានីភ្នំពេញ បានណែនាំឲ្យអាជ្ញាធរខណ្ឌទាំង១៤ និងផ្សារទាំង២៥ ត្រូវបន្តយុទ្ធនាការ នៃការចែកម៉ាសជូនប្រជាពលរដ្ឋ ដើម្បីចូលរួមការពារ ក៏ដូចជាទប់ស្កាត់ជំងឺកូវីដ-១៩នេះទាំងអស់គ្នា។
ហេីយកាលពីថ្ងៃទី២១ ខែកុម្ភៈ ឆ្នាំ២០២១ ម៉ាស២៥ម៉ឺនម៉ាស លោកអភិបាលរាជធានីភ្នំពេញ ផ្ដល់ជូនទៅខណ្ឌទាំង១៤ ដោយក្នុងមួយខណ្ឌ ទទួលបានម៉ាសមួយម៉ឺន និង២៥ផ្សារ ក្នុងមួយផ្សារទទួលបាន៩០០០ម៉ាស ដែលម៉ាសទាំងអស់នេះ គឺជាអំណោយរបស់សម្ដេចតេជោ ហ៊ុន សែន ដោយសម្ដេចតែងតែយកចិត្តទុកដាក់ ចំពោះប្រជាពលរដ្ឋទាំងអស់ ដើម្បីឲ្យប្រជាពលរដ្ឋមានលទ្ធភាព ក្នុងការបង្ការ និងទប់ស្កាត់ជំងឺកូវីដ-១៩ ។
តបតាមការណែនាំរបស់លោក អភិបាលរាជធានីភ្នំពេញ គណកម្មាការផ្សារដើមគបានបន្តចែកម៉ាសជូនប្រជាលរដ្ឋ និងផ្សព្វផ្សាយវិធានការការពារជម្ងឺកូវីដ១៩ ជារៀងរាល់ថ្ងៃ ដេីម្បីចូលរួមកាត់បន្ថយការឆ្លងជម្ងឺកូវីដ១៩។
0 Comments